“Bəli, büdcə problemimiz var. Buna baxmayaraq, komandanı saxlayacağıq. Sadəcə, vaxtımız hələ olduğuna görə hazırlığa bir qədər gec başlayacağıq. Həm də hazırda Mingəçevirdə hava çox istidi. Stadionda 40 dərəcə isti var. Sentyabra qədər zamanımız var. Ona görə arabir yerli futbolçuları yığıb, həftədə bir neçə dəfə məşq etməklə kifayətlənirik. Heç bir klub istəməz ki, belə problemlə qarşılaşsın. Lakin biz çempionatda oynayacağıq. 10-15 günə rəhbərliklə iclasımız olacaq. Bu barədə yekun qərar o zaman veriləcək. Yəni büdcəmiz nədi, hara kimi gedərik açıqlanacaq. Maliyyə yardımı olsa daha gözəl, olmasa, yenə işimizə davam edəcəyik. Hələ ki telefonla futbolçularla, yəni burda olanlarla danışıq aparırıq. Başqaları da iclası gözləyir. Bəzi oyunçulara başqa yerdən təkliflər var, amma bu məsələyə görə qərar verə bilmirlər”.