Baş məşqçisi Ədəhim Niftəliyevlə yollarını ayıran “Mingəçevir”in aqibəti sual altındadı.

Daha doğrusu, “nur şəhəri”nin təmsilçisi həm ciddi maliyyə sıxıntılarıyla üz-üzədi, həm də komanda sonuncu pillədə qərarlaşıb. Belədə xilaskarlara ehtiyac var ki, kollektiv heç olmasa, çempionatdakı yerini qoruya bilsin.

Tezliklə bu yöndə qəti addımlar atılacaq. Bəs o vaxta qədər komanda kimə əmanət ediləcək?

“Football-plus.az”ın məlumatına görə, artıq bu məsələ həll edilib. Belə ki, “Mingəçevir”in “sükanı arxasına” klubun idman direktoru vəzifəsində çalışan Zaur Qarayev keçib.

Yaxın günlərdə idarə heyətinin iclası keçiriləcək. Məhz həmin toplantıda komandanın gələcəyi və məşqçilər korpusu ilə bağlı qərarlar qəbul edəcək.

KƏNAN BAHADIR