“Mingəçevir”ə sponsor tapılması barədə xəbərləri mən də oxuyuram. “İmişli”nin və bir neçə klubun da dəstəkçisi var. Arzu edirəm ki, bütün klublatımızın sponsoru olsun. “Kəpəz”ə sponsor gəlməməsi söz-söhbətə görə deyil. Futbol veteranları istəyir ki, yaxşı səviyyyədə bir sponsor gəlsin. Klub rəhbəri düzgün işləsə, o söhbətlər də olmaz. Düzdü, Azərbaycan futbolunda çox qaranlıq məsələlər var. Yəqin onlara da aydınlıq gələr. Yeyintilər barədə də yəqin AFFA-nın yeni rəhbərliyi nəsə düşünür. Klub rəhbəri düzgün işləyib pulunu qazansa, kim onu təhdid edib pul ala bilər?! Belə çıxır ki, “Kəpəz”lə bağlı dedi-qodular əsaslıdı, deyilir və klubdan heç bir rekasiya verilmir. Niyə cavab vermirlər - onu da bilmirəm. Bizim çıxışlarımız, danışıqlarımız var. Narazı olanlardan biri dəmənəm. Çoxları klub rəhbərliyindən narazıdı. O rəhbərdən rəhbər olmaz. Yeyintiləri var deyə, kimsə nəsə deyən kimi aparıb ona pul verirlər ki, heç nə danışma. Yeyinti olan yerdə də gözü kölgəli qallr, kimdənsə çəkinir. Kim hədə-qorxu gəlirsə tez onu tapıb susdururlar. Amma inanmıram ki, buna görə sponsor gəlməsin. Hər başlanğıcın sonu olduğu kimi, bir gün bu sponsor sonsuzluğu da başa çatar”.