“Beynəlxalq federasiyalar Ukraynaya milyardlarla dollar ödəməlidi”
Sabiq çexiyalı qolkiper, MHL əfsanələrindən biri Dominik Qaşek Kiyevdə keçirilən, idmanın dünyadakı hadisələrə təsirinə həsr olunan konfransdakı çıxışını şərh edib.
O, sosial şəbəkə hesabında bunları yazıb:
“Bəzi idman liqaları və federasiyaları itirilmiş və şikəst olmuş adamlara görə məsuliyyət daşıyırlar. Odu ki, bu liqalar və federasiyalar Ukraynaya yüz milyardlarla dollar ödəməlidi”.
Qaşek bir müddət əvvəl özbək əsilli rusiyalı biznesmen Əlişir Usmanovun Beynəlxalq Qılıncoynatma Federasiyasının prezidenti seçilməsinə görə də kəskin narazılığını bildirmişdi.
Ümumiyyətlə, əfsanəvi hokkeyçi rusofob mövqeyi, baxışları ilə bütün dünyada məşhurdu. Onun 2010/11 mövsümündə Moskva “Spartak”ının şərəfini qoruduğunu da xatırladaq.
Bu ilin yanvarında – Rusiya əleyhinə növbəti çıxışdan sonra Vyaçeslav Fetisov (Rusiya Hokkey Federasiyasının prezidenti – red.) Qaşekə vaxtilə bu ölkədə qazandığı pulları qaytarmağı təklif etmiş, ancaq imtina cavabı almışdı.
Digər xəbərlər
