"Arda" futbolçusu Cəlal Hüseynovla yolları ayırıb.

"Football-plus.az" xəbər verir ki, bu barədə Bolqarıstan klubunun yaydığı açıqlamada bildirilib. 21 yaşlı müdafiəçi ilə müqavilə qarşılıqlı şəkildə ləğv olunub. Cəlal karyerasını yenidən Azərbaycanda davam etdirəcək. Məlumatda bildirilib ki, o, "Şamaxı"da çıxış edəcək.

Futbolçu 2023-cü ilin yayından "Arda"da çıxış edirdi. O, bu komanda ilə bütün turnirlərdə 45 matçda iştirak edib, 1 qol vurub.

Qeyd edək ki, Hüseynov "Arda"ya keçməzdən əvvəl "Zirə" və "Şamaxı"da oynayıb.