Türkiyə çempionatında 15-ci turun mərkəzi oyununda ''Fənərbaxça'' ''Beşiktaş''ın qonağı oldu.

Bu dəfəki İstanbul derbisində ''Fənər'' favorit hesab olunurdu. Çünki ''Qartal'' son dönəmlərdə çox zəif çıxış edirdi. Amma Joze Mourinyonun komandası favorit statusunu doğrulda bilmədi. Son cəmi 5 turda cəmi 2 xal toplayan ''Beşiktaş'' güclü rəqibini 1:0 məğlub edərək uğursuzluq zolağından çıxdı.

Yeganə qolu 73-cü dəqiqə Aleks-Oksleyd-Çemberleyn vurdu. Bununla da ''Fənər''in tarixinin rekord seriyası qırıldı. Belə ki, komanda Türkiyə çempionatında son 26 səfər oyununda uduzmamışdı. ''Sarı-lacivərdlilər'' bu qarşılaşmalardan 21 qələbə, 5 heç-heçə ilə ayrılmışdılar. Bundan başqa ''Fənər''in səfərdə ''Beşiktaş''a qarşı 4 oyunluq məğlubiyyətsiz seriyası da qırıldı (1 qələbə, 3 heç-heçə).

ƏLİ