Türkiyə çempionatının 11-ci turunda sürpriz nəticə qeydə alındı.

Dünən ''Qalatasaray'' Mersində ''Hatayspor''un qonağı oldu. Volkan Dəmirəlin çalışdırdığı Hatay təmsilçisi son 3 turdan xalsız ayrılmışdı və bu oyunda da şansları yüksək qiymətləndirilmirdi. Amma ''Hatayspor'' yığmamızın üzvü Renat Dadaşovun da oynadığı matçda 2:1 hesabı ilə qalib gələrək futbol ictimaiyyətini təəccübləndirdi. Bu oyunda İstanbul nəhənginin üç seriyası birdən qırıldı. Komanda bu mövsüm ilk dəfə birinci hissədə qol buraxdı. Eyni zamanda 10 oyunluq qələbə seriyasına da son qoyuldu.

''Cim-Bom'' mövsümə Kayseri səfərindəki qolsuz bərabərliklə başlamış və daha sonra ardıcıl 10 turda xal itirməmişdi. Və nəhayət, komandanın superliqada 195 günlük məğlubiyyətsiz seriyası da qırıldı. Okan Burukun kollektivi çempionatda son məğlubiyyətini aprelin 30-da, yəni ötən mövsümün 32-ci turunda səfərdə ''Beşiktaş'' ilə derbidə yaşamışdı.

''Qalatasaray'' o tarixdən dünənə qədər oynadığı 17 superliqa matçından 16 qələbə, 1 heç-heçə ilə ayrılmışdı.

ƏLİ