“Açığı, “Turan Tovuz”un belə cür çıxış edəcəyini heç kim gözləmirdi. İkinci dövrə fərqli başladı. Bilirsiz, orda “Kəpəz” veteranları ilə 30 illik yubiley matçı keçirildi. Tədbirdə olanda da klub nümayəndələri ilə görüşdük, söhbət etdik. Əvvəlcədən oyunlarına da baxmışdım. Belə deyək ki, "Qarabağ"la rəqabət apara biləcək heyətə malik deyillər. Orda hamı çalışır ki, Ağdam təmsilçisini üstələsinlər, hegemonluğuna, çempionluğuna son qoysunlar. Ən azı "Turan Tovuz"un Avropa Liqasına düşəcəyinə  bir qədər əminlik var. Amma düşməyə də bilərlər. Bunu son nəticələrinə görə demirəm. Əvvəldən də özlərinə demişdim ki, heyətiniz o qədər də güclü deyil. Azərbaycanda baş məşqçi işləmək də fərqlidi. Kurban Berdıyev təcrübəli məşqçidi, yaxşı təcrübəsi və uğurları var. Lakin bu ölkədə işləmək fərqlidi. Komandanı da özü yığıb, transferləri də özləri ediblər. Sonda yer tutmasa, Avropa Liqasına getməsələr, təbii ki, "Turan Tovuz" üçün fiasko olar. Hansı ki, sponsorlari bir o qədər maliyyə ayırır.  Ehtiram Quliyev komanda üçün lazım olan şəraiti artıqlaması ilə yaradıb. Komandaya yaxşı baxırlar. Belə görünür, "Turan Tovuz"un seleksiyaaı zəif olub. Bunu düzgün yerinə yetirməyiblər. Düzdü, mövsümün əvvəlində "Turan Tovuz" haqda çox xoş sözlər yazdılar. Çoxbilmişlik və yaxud ağıllılıq olmasın, bunların oyunlarına baxanda həm keçmiş futbolçu, həm də məşqçi kimi bəyənmədim. Seçimi özləri ediblər. Uğurlar arzulayıram, yaxşı yer tutarlar. Amma futbolda birinci yerdə duran seleksiya işidi. Bütün dünya buna diqqət yetirir. Futbolçu seçimi səhv oldusa, komandadan uğur gözləmək çətindi. Əvvəldən də demişdim ki,  "Tutan Tovuz" baxımlı futbol oynamır. Kurban Berdıyev özü də etiraf etmişdi ki, qol vururuq, ondan sonra müdafiəyə çəkilirik. Yəni əks-hücumlara üstünlük verir yox, oyunu davam etdirə bilmirlər. Birinci dövrədə də belə idi. Qolu vururdular, çəkilirdilər arxaya. Rəqib hər komponentdə onları üstələyirdi. Belədə uğur qazanaraq çox uzağa getmək olmur. Bu taktika da hardasa qırılır. Belə nəticə qazanmaq da çətindi. Ona görə də özü etiraf edirdi ki, sürətli hücum və s. yoxdu. Özü yıxılan ağlamaz. Özləri ediblər transferlərdi. Lazımınca vaxtları da olub. Yəni problemi transferlərdə görürəm. Berdiyevin getməsinə razı deyiləm. Guya başqası gəlib düzəldəcək ki? Ona vaxt versələr, qışa qədər qalsa, yəqin transferlər edər”.