“Komandalar tarixdə ilk dəfə üz-üzə gəldi. “Qarabağ” buna qədər “Tottenhem”dən üç cavabsız qol buraxmışdı. Əslində “Malmö”yə uduzmaya bilərdilər. Amma Qurban Qurbanovun komandası azarkeşlərini məyus etdi. “Ayaks”a məğlubiyyət gözlənilən idisə, “Bude/Qlimt”ə qalib gələn ağdamlılar yaxşı mənada təəccübləndirdi. Azərbaycanlılar pley-off mərhələsində iştirak şansını itirməmək üçün “Lion”u məğlub etməliydi. Elə Fransa təmsilçisi də qələbəyə köklənmişdi. Nvbəti mərhələyə birbaşa keçid üçün şansları artırmaq lazım idi. Oyun qonaqların daha məntiqli və keyfiyyətli futboluyla yadda qaldı. Meydan sahibləri sürətli və topla daha çox vaxt keçirən komanda olsa da, fürsətləri boşa verməklə böyükhesablı məğlubiyyətə düçar oldular. Halbuki “Qarabağ” azı iki qol vura biləcək qədər enerjili görünürdü. “Lion” layiqincə müqavimət göstərməklə rəqibdən daha güclü olduğunu sübut etdi. Bəlkə də ağdamlılar bu matçda bir xal qazana bilərdi. Amma “Qarabağ” artıq əvvəlki qədər keyfiyyətli deyil. Bu, daha güclü rəqiblərlə mübarizədə belə nəticələrə səbəb olur. Hər halda, ağdamlıların ümidi tükənməyib. Qurban Qurbanovun komandası “Elfsborq” və FKSB kimi rəqiblərin öhdəsindən gələ bilər”.