“Əvvəlcə onu deyim ki, bu, yeni formatdı və burda nəyin yaxşı, nəyin pis olduğunu müəyyənləşdirmək hələ ki çətindi. Belə formatda hər bir oyunun özündə buraxılan və vurulan qol, sarı, qırmızı vərəqələr, cərimələr - bütün bunlar hamısı böyük rol oynayacaq. 36 komandanın hər biri 8 oyun keçirəcək. Bu, o deməkdi ki, bir neçə komandanın xalı eyni ola bilər. Belədə kimin nə qədər qol vurduğu, kimin məğlubiyyətinin az və ya çox olduğu, kimin sarı vərəqələrinin nə qədər olduğu dəyərləndiriləcək. Buna görə də burda hər bir oyunu axıra qədər oynamaq lazım olacaq. Məsələn, hansısa güclü rəqibə qarşı 3:0 məğlub olursansa, bir qol vursan, bu, sonda mərhələ adlamağa kömək olur. Oyunun axırıncı dəqiqələrində də boşalmaq olmaz. Düzdü, vurduğun 1 qol həmin oyunun taleyini həll etmir. Amma vurulan və buraxılan qollarin sayı səni hansısa komandadan geri sala bilər. Ona görə belə formatda bütün oyunların əhəmiyyəti böyükdü. Hesab edirəm ki, 8 oyunun hər birində "Qarabağ" oyunçuları son dəqiqələrə qədər oynamalıdı. Ümumən Ağdam təmsilçisi də bu püşkatmadan razı qalıb. Məsələn, İsveçin iki komandası - "Malmö və “Elfsborq” düşüb. Bilirik ki, İsveç çempionatı Fransa, Hollandiya, İngiltərə çempionatından üstün deyil. Yəni belə rəqiblərdən üstün oynamaq mümkündü. Düşünürəm ki, ilk “8-lik”də yer almaq komandamız üçün çətin olacaq. Amma növbəti pley-off mərhələlərinə düşmək şanslari həddindən artıq çoxdu. Mənə elə gəlir ki, bu mərhələdə yüzdəyüz iştirak edəcəklər. Yəni 1-ci yerdən 8-ci yerə qədər olan komandalarin arasına düşmək bir az çətin ola bilər. Əslində ora da düşmək mümkündü. Amma pley-off mərhələsində "Qarabağ" mütləq iştirak edəcək. 8 komandanın ayrı-ayrılıqda hər biri haqqında danışmaq istəmirəm. Komandalar dəyişilir, qarşılasdıqdan sonra geniş məlumat vermək olacaq. Amma yenə də iki hissəyə bölmək olar. İlk oynadıqları "Tottenhem", "Ajaks", "Lion" kimi komandalar belə yarışlarda ən təcrübəli klublardi. Çempionlar Liqası və Avropa Liqasımda oyanayan komandalardı. Qalanlarını daha aşağı səviyyə saymaq olar”.