Türkiyəli hakim Səudiyyə Ərəbistanında iki qırmızı vərəqə göstərdi
Dünən Səudiyyə Ərəbistanı çempionatının 12-ci turunda son çempion ''Əl-Hilal'' ''Əl-Şabab''ın qonağı oldu.
Xəbər verdiyimiz kimi bu oyuna xüsusi olaraq Xəlil Umut Melerin başçılıq etdiyi türkiyəli hakimlər briqadası dəvət olunmuşdu. Oyun portuqaliyalı məşqçilərin dueli ilə əlamətdar oldu. ''Əl-Şabab''I Vitor Pereyra, ''Əl-Hilal''ı Jorje Jezuş çalışdırır. Qonaqların 2:1 hesabı ilə üstün olduğu qarşılaşmada türkiyəli hakimin idarəçiliyi birmənalı qarşılanmadı.
Belə ki, Meler hər iki komandadan bir futbolçuya qırmızı vərəqə göstərdi. Fasilə ərəfəsində Kulibali birbaşa qırmızı vərəqə almaqla ''Əl-Hilal''ı azlıqda qoydusa, 58-ci dəqiqədə meydan sahiblərinin heyətində Əl-Şarari ikinci sarı vərəqə ilə meydanı tərk etməli oldu. Oyundan sonra məşqçilərin hakimliyə reaksiyasi fərqli oldu. Jezuş ''hakim oyunu yaxşı idarə etdi. Qırmızı vərəqələr haqlı idi. Nəticəyə təsir edən səhvə yol vermədi. Onu təbrik edirəm'' açıqlamasını verdi.
Amma məğlub tərəfin baş məşqçisi Pereyra Meleri yıxıb-sürüdü:
''Oyuna damğa vuran isim hakim oldu. Bizə göstərdiyi qırmızı vərəqə yanlış idi. Bir çox qərarları doğru olmadı və matçın gedişatını dəyişdirdi. Bu cür zəif idarəçiliyə görə onu təbrik edirəm. Mən ümumiyyətlə əcnəbi hakimlərin dəvət olunmasının tərəfdarı deyiləm. Yerli hakimlərə güvənirəm''.
ƏLİ
Digər xəbərlər
