“Qarabağ” – “Lion” matçını Nenad Minakoviç idarə edəcək.

Təbii ki, “köhlən atlar” üçün əhəmiyyət daşıyan oyunu idarə edəcək şəxsi yaxından tanımaq lazımdı.

Serbiyalı 2017-ci ildən bəri ölkəsinin superliqa matçlarında baş hakim kimi çıxış edir. O, bu çərçivədə 97 oyun idarə edib ki, 451 sarı, 16 qırmızı vərəqə göstərib. 2021-ci ildə FİFA referisi statusuna yiələnib. Beynəlxalq debütünü 2022-ci ildə reallaşdıran “fit sahibi”nə indiyə qədər Çempionlar, Avropa, Konfrans, Gənclər və Millətlər Liqasında, 17, 19 və 21 yaşadək futbolçuların Avropa çempionatının seçmə, 17 yaşadək oyunçuların isə bu turnirin əsas mərhələsindəki çıxışlarında güvənilib. O, beynəlxalq yoldaşlıq oyunlarında da meydanda olub.

Minakoviç karyerası ərzində ikinci dəfə Bakıya gələcək. Ona görə ki, AÇ-2024-ün seçmə mərhələsinin Azərbaycan – Belçika matçını (0:1) da idarə edib. Referi həmin matçda Ramil Şeydayevi sarı vərəqəylə cəzalandırıb. Rəqibin heyətindən isə iki futbolçu eyni aqibəti yaşayıb.

Ümumiyyətlə, Minakoviç karyerası ərzində 204 matç idarə edib. O, bu oyunlarda 894 sarı, 37 qırmızı vərəqə göstərib.

KƏNAN BAHADIR