A seriyasının 12-ci turunda qeydə alınan nəticələrdən sonra zirvə uğrunda mübarizə daha da gərginləşdi. Milanda qalibin müəyyənləşməməsi liderlər qrupunda sıxlığı bir qədər də artırdı.

Lider “Napoli” əvvəlki turun “Atalanta” ilə ev oyununda üç cavabsız top buraxaraq uduzsa da, mövqeyində qalmışdı. Cənublular bu dəfə əsas izləyicisi “İnter”dən də xal ala bilməyəcəkləri halda liderliyi itirəcəkdilər. Amma Antonio Kontenin komandası çətinliklə də olsa, çətin səfərdən bir xalla qayıtmağı bacardı. Hesabı qonaqlar açsalar da, Çalhanoğlu fasilə ərəfəsində cavab qolunu vurdu. Son çempion ikinci hissədə üstün oyunu ilə vacib qələbəyə çox yaxın idi. Lakin həmin Çalhanoğlu penaltini boşa verdi. Qeyd edək ki, türk yarımmüdafiəçi buna qədər milanlıların formasında 19 penaltinin hamısını qola çevirmişdi. Beləliklə, 1:1 hesablı heç-heçə “Napoli”nin zirvədə qalmasını təmin etdi. “İnter” isə liderliyi ələ almaq yerinə topların fərqinə əsasən 4-cü yerə düşdü.

Çünki tura eyni xalla başlayan hər üç komanda - “Atalanta”, “Fiorentina” və “Latsio” növbəti qələbəsini qazandı. “İnter” kimi bu iddiaçıların da hesabında 25 xal var. Sadəcə, “Latsio” topların fərqinə əsasən çempiondan geri qalır.

Tur “Yuventus” üçün də uğurlu alındı. Tyaqo Mottanın komandası derbidə “Torino”nu iki cavasız qolla məğlub etdi. “Milan” isə xal itirdi. “Kalyari” ilə səfər oyununun gedişində iki dəfə hesabda öndə olan ölkə nəhəngi sonda məhsuldar heç-heçəyə razılaşdı. 3:3 hesabı ehtiyatda bir oyunu olan “Milan”ı 7-ci yerdə saxladı.

Paytaxtın eyniadlı klubu isə yenə uduzdu. “Bolonya”ya 2:3 hesabı ilə məğlub olan “Roma”da bu mövsüm ikinci dəfə baş məş məşqçi dəyişikliyi qaçılmaz oldu. İvan Yuriçin sentyabrdan çalışdırdığı komanda indi cədvəlin 12-ci pilləsindədi. İstefaya göndərilən xorvatiyalının yerinə karyerasını yayda başa vursa da, sabiq komandası naminə fikrini dəyişən Klaudio Ranyeri təyinat alıb.

12-ci tur
İnter – Napoli 1:1
Çalhanoğlu, 43 - Maktominey, 23. (72951)
İnter: Zommer, Dimarko (Darmian, 83), Açerbi, Pavar, A.Bastoni (De Vrey, 89), Dyumfris, Barella, Çalhanoğlu (Zyelinski, 82), Mxitaryan, Lautaro Martines (Arnautoviç, 89), M.Türam (Taremi, 82).
Napoli: Meret, Olivera, Buoncorno, Rrahmani, Di Lorentso, Maktominey, Gilmor (Lobotka, 60), Zambo Angissa, Kvaratsxeliya, Politano (Nqonq, 83), Lukaku (Simeone, 77).
Atalanta – Udineze 2:1
Paşaliç, 56. Ture, 60-öz qapısına – Kamara, 45+3. (22844)
Atalanta: Karnesekki, Kossunu, Cimşiti (Ederson, 25), Hin, Rucceri, De Roon, Zappakosta (Bellanova, 46), Paşaliç, Samarciç (Breşianini, 68), Lukman, Retegi (Zanyolo, 68/Kuadrado, 87).
Fiorentina- Verona 3:1
Ken, 4; 59; 90+2 – Sərdar, 18. (22495)
Fiorentina: De Xea, Qosens, Ranyeri, Dodo, Komutso, Bove (Mandraqora, 87), Adli (Riçardson, 77), Sottil (Parizi, 84), Beltran (Kuame, 77), Kolpani (Kayode, 83), Ken.
Montsa – Latsio 0:1
Zakkanyi, 36. (11706)
Latsio: Provedel, Tavareş (Luka Pelleqrini, 75), Xila, Romanyoli, Maruşiç, Vesino, Rovella, Genduzi (Jiqo, 90+2), Zakkanyi (Noslin, 75), Dia (Kastelyanos, 60), Pedro (İsaksen, 60).
Yuventus – Torino 2:0
Vea, 18. Yıldız, 84. (41066)
Yuventus: Perin, Savona (Danilo, 87), Kalulu, Qatti, Kambyaso, K.Türam, Lokatelli, Koopmeyners, Yıldız (Makkenni, 86), Vea, D.Vlahoviç (Konseysao, 73).
Kalyari – Milan 3:3
Zortea, 2. Zappa, 53; 89 – Leao, 15; 40. Abraham, 69. (16271)
Milan: Menyan, Pavloviç, Tiav, Ernandes, Emerson (Tomori, 81), Reynders, Fofana, Leao (Okafor, 82), Pulişiç (Musa, 82), Çukvueze (Loftus-Çik, 62), Kamarda (Abraham, 66).
Roma - Bolonya 2:3
Əl-Şaaravi, 63; 82 – Kastro, 25. Orsolini, 66. Karlsson, 77. (50500)
Roma: Svilar, Anxelinyo, Ndika, Mançini, Kone (Paredes, 81), Kristante, Çelik (Dal, 61), Əl-Şaaravi, Pizilli (Baldantsi, 61), Sule (Şomurodov, 58), Dovbik.
Bolonya: Skorupski, Miranda, Lukumi, Beukema, De Silvestri (Poş, 46), Pobeqa, Fröyler, Ndoy (Karlsson, 23), Odqor (Fabbian, 67), Orsolini (Kazale, 84), Kastro (Dallinqa, 68).
Cenoa – Komo 1:1
Bolyaçço, 90+2 – Da Kunya, 17. (30708)
Leççe – Empoli 1:1
Pyerotti, 77 – Pelleqri, 33. (23907)
Venetsiya – Parma 1:2
Nikolussi-Kavilya, 5 – Valeri, 17. Bonni, 68. (10866)

1. Napoli 12 8 2 2 19-9 26
2. Atalanta 12 8 1 3 31-15 25
3. Fiorentina 12 7 4 1 25-10 25
4. İnter 12 7 4 1 26-14 25
5. Latsio 12 8 1 3 25-14 25
6. Yuventus 12 6 6 0 21-7 24
7. Milan 11 5 3 3 20-14 18
8. Bolonya 11 4 6 1 15-13 18
9. Udineze 12 5 1 6 15-18 16
10. Empoli 12 3 6 3 9-10 15
11. Torino 12 4 2 6 15-18 14
12. Roma 12 3 4 5 14-17 13
13. Parma 12 2 6 4 16-18 12
14. Verona 12 4 0 8 17-27 12
15. Komo 12 2 4 6 13-23 10
16. Kalyari 12 2 4 6 12-22 10
17. Cenoa 12 2 4 6 9-22 10
18. Leççe 12 2 3 7 5-21 9
19. Montsa 12 1 5 6 10-15 8
20. Venetsiya 12 2 2 8 11-21 8

Bombardirlər: Retegi (Atalanta) - 11, Ken (Fiorentina) – 8, M.Türam (İnter) - 7, Lukman (Atalanta), D.Vlahoviç (Yuventus) - 6.

Turun rəqəmi
19 – “Torino” yenə əzəli rəqibinə qalib gələ bilmədi. “Yuventus”un Turin derbisindəki məğlubiyyətsiz seriyası 19 oyuna çatdı. “Qoca sinyora” derbidə sonuncu dəfə 2015-ci ildə məğlub olub.

Turun ulduzu
Moyze Ken (Fiorentina) – Florensiyada nəticəni böyük ölçüdə 24 yaşlı hücumçu müəyyən etdi. Məhz Kenin vurduğu üç qol komandasının “Verona” üzərində 3:1 hesablı qələbəsini təmin etdi. “Fiorentina”ya yayda “Yuventus”dan keçən Moyzenin A seriyasında ilk dəfə het-trik etdiyini də qeyd edək.

Turun sitatı
Antonio Konte, “Napoli”nin baş məşqçisi: