"Səbail"in yeni baş məşqçisi Cavid Hüseynovun debüt oyununa şahidlik etdik. Bayıl təmsilçisi "Qarabağ"ı qəbul etdi və böyük hesabla uduzdu - 0:3.

Oyunsonrası mətbuat konfransında bəlli oldu ki, "dənizçilər" sözün əsl mənasında yeni dönəmə qədəm qoyub. Ona görə ki, Cavid bəy məğlubiyyəti xeyli məqamla əlaqələndirdi. Diqqəti çəkən isə komandanın fiziki hazırlığıyla bağlı fikirləri oldu:

Maraqlıdı ki, sabiq baş məşqçi Şahin Diniyev kollektivi yeni mövsümdə meydana çıxardığı 12 matçın heç birində fiziki hazırlıqdan şikayətlənməyib. Bunu dəqiqləşdirmək üçün mütəxəssisin sözügedən qarşılaşmalardan sonra keçirilən mətbuat konfranslarında səsləndirdiyi fikirlərə göz gəzdirdik. Məlum oldu ki, zənnimizdə haqlıyıq. Əvvəlki baş məşqçi məhz fiziki hazırlıqla bağlı, sadəcə, ilk turda narazılıq edib ki, bu da Fərid Nəbiyevlə əlaqədar olub. Qalan çatışmazlıqlar isə cərimə zərbələrinin düzgün yetinə yetirilməməsi, autlardan lazımi səviyyədə istifadə edilməməsi, standart vəziyyətlər zamanı topla davranış və klubun maliyyəsiylə bağlıdı. O, bunlara rəğmən, komandasının potensialına və əzmkarlığına inandığını bildirib.

Qısası, məhz Cavid bəyin fikrini təsdiqləyən cümlələrə rast gəlmədik. Görünür, ya Diniyev ciddi problemləri ictimaiyyətdən gizlədib, ya da Hüseynov uğursuz debütünün günahını başqasının boynuna qoymaq istəyir.

Təbii ki, bu haqda Şahin bəyin fikirlərini öyrənməyə çalışmasaq, ədalətsizlik olardı. Odu ki, "Football-plus.az" mütəxəssislə əlaqə saxladı və əvvəlcədən təxmin etdiyi cavabı eşitdi:


KƏNAN BAHADIR