Bir neçə gün öncə “Neftçi”nin rəsmi səhifəsi Müşahidə Şurası ilə bağlı məlumat paylaşdı.

İnformasiyada qurumun iyunun 8-də iclası olacağı bildirildi. Düzdü, bu toplantının ayın 2-də keçirilməsi nəzərdə tutulmuşdu. Lakin sonradan qərar dəyişdirildi.

Redaksiyamıza "Neftçi" ilə bağlı maraqlı informasiya daxil olub. Sən demə, iyunun 2-də klubun Müşahidə Şurasının iclası keçirilib. Burda əsas komandanın baş məşqçisi məsələsinə aydınlıq gəlməsə də, akademiyanın çalışdırıcıları bəlli olub.

Ötən mövsüm Region Liqasının qalibi olan “Cəbrayıl”ın prezidenti və çalışdırıcısı Cavid Hüseynov “Neftçi”nin U-19 komandasında çalışacaq.

Bundan əlavə, “Səbail”in 16 yaşadək futbolçulardan ibarət komandasını çalışdıran Samir Zərgərov da “ağ-qaralar”da fəaliyyət göstərəcək. O, U-17-nin baş məşqçisi olacaq.

RƏŞAD