“Olduqca ürəkağrıdan mənzərə idi. Düzdü, səviyyə fərqi var. Amma daha yaxşı müqavimət göstərə bilərdik. Düzü, mənim də inamım yox idi ki, klublarında ehtiyatda oturub ora gedən oyunçular nəsə edə bilərlər. Bəhlulun da ideal çıxış etdiyini deyə bilmərəm. “Oturuşmuş” komanda görə bilmədim. Bəhlulla danışanda da çox məyus olduğunu hiss elədim. Son vaxtlar problemi var idi, sistemli oyuna çıxa bilmirdi. Yəni performansında eniş vardı. Özüm də onunla danışmaq isyəyirəm. Bir qədər özünə gələndən sonra əvvəlki formasına qayıtması üçün nə etməli olduğumuzu danışacağıq. Təbii ki, mən də bacardığım dəstəyi göstərəcəm”.

“Futbolçuları da çox tənqid edə bilmərəm. Olan gücümüz bu idi. Buraxılmış səhvlərin bədəlidi. Günahkar tapmaq mümkündü - AFFA, rəhbərlik və s. Xaricdən mütəxəssis gətirməklə nəsə düzələn deyil. Yerli mütəxəssislərə şans vermək lazımdı. Uşaq futbolu pis vəziyyətdədi. Gürcüstandan nümunə götürməliyik. Aşağı liqalarda vəziyyət pisdi. İndiki vəziyyətdə çox ölkədən geriyik. Zəif oynayan ölkə yoxdu. Amma bu duruma görə klublar da, AFFA da məsuliyyət daşımalıdı”.