"Yığmamızın rəqiblə müqayisədə daha şanslı olduğunu düşünürəm. Onsuz da qələbədən başqa çıxış yolu yoxdu. 90 faiz ehtimalla bunu bacaracağıq. Yığmamız illər ərzində çətin anlarda xalqımızı sevindirə bilib. Bu dəfə də çətin vəzifənin öhdəsindən gələ biləcəklər. Düzdü, itkilərimiz var. Buna baxmayaraq, meydana çıxan hər bir oyunçunun sona qədər mübarizə aparacağını, qələbə qazanmaq üçün meydanda canını qoyacağını düşünürəm".

"Rəqib "dişimizə görədi". Bunu Estoniyada keçirilən matçda da sübut etdik. Qonaq komanda olduğumuz halda, xeyli qol vəziyyəti yaratdıq. Sadəcə, yalnız birindən maksimum istifadə edə bildik. Bu gün daha etibarlı oynamalı və əks-hücumlardan qorunmalıyıq. Bu matçda heç-heçə Estoniyanı qane edir. Düşünürəm ki, bu səbəbdən daha çox müdafiə olunmağa üstünlük verəcəklər. Xüsusilə standart vəziyyətlərdə və rəqibin əks-hücumları zamanı arxa xətdə azı 3-4 futbolçu olmalı və rəqibin irəliləməsinə imkan verməlidi. Fernando Santuş təcrübəli məşqçidi. Yəqin ki, lazım olanı edəcək. Məncə, Estoniyanı məğlub etmək mümkündü".