“Sözün düzü, mən ümidsiz deyiləm. Əksinə, nəticəylə bağlı pozitiv düşünürəm. Çünki son iki oyunu pis keçirməmişik. Bəli, məğlub olmuşuq, lakin xeyli sayda qol vəziyyəti yarada bilmişik. İnanıram ki, İsveçlə oyun kəskin mübarizə şəraitində keçəcək. Fikrimi əsaslandıran amillərdən biri də rəqibin qrupdan çıxmaq şansının olmamasıdı. Ola bilər ki, bu görüşə yoxlama oyunu kimi yanaşsınlar. Bu ehtimal baş tutarsa, matç millimizin üstünlüyü şəraitində keçə bilər. Əlbəttə, yığmamızın çatışmazlıqları var. Məsələn, hücum cəhdlərini qolla tamamlaya bilmir. Lakin bunu taktikayla yox, məhz oyun epizodunun elə alınmasıyla əlaqələndirmək mümkündü. Rəqibə qarşı çox ciddi çıxış etməliyik. Çünki rəqib boşluqları bağışlamayan komandadı. Həm müdafiədə, həm də yarımmüdafiədə çox diqqətli olmalı, eyni zamanda rəqibi öz meydançasına sıxışdırmağa çalışmalıyıq. Qələbə qazanacağımıza inanıram. Çünki rəqib matça ciddi yanaşmayacaq”.