"Reallıq budu ki, çətin qrupa düşmüşük. Həmişə arzulamış və ümid etmişik ki, “dişimizə uyğun”, 6 komandalı qrupa düşərək ikincilik üçün mübarizə aparaq. Bu dəfə də püşkdə bəxtimiz gətirmədi. Belçika millisi haqda nəsə deməyə ehtiyac yoxdu, gücü-qüdrəti bəllidi. Avstriya və İsveçrə milliləri də bizdən güclüdü. Heyətlərində top-liqalarda çıxış edən futbolçuları var. Ümid qalır Estoniya millisini üstələməyə. Çalışmalıyıq ki, onları hər iki matçda məğlub etməklə qalan rəqiblərə qarşı mübariz oyun göstərək. Döyüşməli, mübarizə aparmalı, böyüməliyik. Məsələyə maksimum prizmasından yanaşsaq, 3-cü yerə az da olsa, şansımız var və bunu dəyərləndirməliyik. Minimum səviyyədə isə mübariz oyunla 8-9 xal toplasaq, bunu uğur adlandırmaq olar. Onsuz da istənilən seçmə mərhələdə mütləq güclü bir rəqibi büdrədərək sensasiya edirik".