“Düzdü, 4 oyundu qələbə qazana bilmirik. “Turan Tovuz”la oyunda son dəqiqələrdə qələbəni əldən verdik. Amma futboldu, belə şeylər olur. Milli fasiləsindən yaxşı istifadə edib toparlanmağa çalışacağıq. Düşünürəm ki, fasilədən sonra daha yaxşı “Səbail” görəcəyik”.

“Şahin müəllim təcrübəli məşqçidi. İki ildən çox idi “Səbail”də işləyirdi. Sadəcə, bu mövsüm alınmadı və istefa vermək qərarina gəldi. Burdan da Şahin müəllimə bir daha təşəkkür edirəm. Yeni baş məşqçi barədə isə danışmağım düz olmaz. Elvin müəllim bizi qısa müddətdə oyuna çox yaxşı hazırladı - həm taktiki, həm də psixoloji cəhətdən. Düşünürəm ki, “Turan Tovuz”dan üstün oynadıq. Qələbəyə layiq idik, ancaq alınmadı. 1 xal da pis deyil. Qarşıdakı oyunlarda xal və xallar qazanmaq üçün əlimizdən gələn hər şeyi edəcəyik”.