“Şamaxı”dan da təklif gəldi, amma seçimim “Səbail” oldu” – Vüsal Məsimov
“Səbail” Vüsal Məsimovu da heyətinə qatıb. O, “dənizçilər”ə azad agent kimi qoşulub. “Kəpəz”lə müqaviləsinin müddəti başa çatmış müdafiəçi 2023-cü ilin avqustunda “Turan Tovuz”dan ayrılaraq Gəncə klubuna keçmişdi. Geridə qoyduğumuz 2023/24 mövsümündə Məsimov 27 oyuna çıxıb, 1 qol və 2 məhsuldar ötürmə ilə yadda qalıb.
Bəs futbolçunun “Kəpəz”dən ayrılmasına səbəb nə oldu? Vüsal Məsimov “Football-plus.az”a açıqlamasında bunları dedi:
“Kəpəz” mənim üçün çox doğma oldu. Orda gözəl günlərim keçib. Mənim üçün ordaki kollektiv, məşqçi heyəti, rəhbərlik də yaxşı idi. Sadəcə, bu gün üçün şərtlər bunu diqtə etdi. Mənə “Şamaxı”dan da təklif gəlmişdi. Lakin “Səbail”in təklifi daha yaxşı idi. “Səbail” yaxşı klubdu. Ümid edirəm ki, karyeram üçün də faydalı olar. İstəyirəm oyununumla “Səbail”ə kömək edim. Komandam üçün əlimdən gələn hər şeyi edəcəm”.
RÖYANƏ OĞUZ
Digər xəbərlər
