''Qalatasaray''ın merakeşli ulduzu Hakim Ziyeşin başı bəlaya düşə bilər.

Tel-Əviv ''Makkabi''sində forma geyən Eran Zahavi Ziyeşdən UEFA-ya şikayət edib. Məlum olduğu kimi cümə axşamı Avropa Liqasında ''Ayaks'' Tel-Əviv ''Makkabi''ni qəbul etdi.

Amsterdam nəhənginin 5:0 qalib gəldiyi qarşılaşmadan sonra qalmaqallı olaylar yaşanmışdı. Hər şey bir ''Makkabi'' fanatının Amsterdamın mərkəzi küçələrindəki binalardan birindən asılan Fələstin bayrağını aşağı endirməsi ilə başlamışdı. Bundan xəbər tutan bölgədəki müsəlmanlar həmin fanatı və onun dostlarını taparaq döymüşdülər. Bundan başqa ''Makkabi''nin azarkeşlərindən biri Amsterdamın mərkəzindən keçən Amstel çayına atılmışdı. O, suda ola-ola ''Fələstinə azadlıq'' kəlməsini qışqırmağa məcbur edilmişdi. Bu görüntülər sosial şəbəkələrdə böyük müzakirələrə yol açmışdı.

''Ayaks''ın sabiq üzvü olan Ziyeş bu olayın ardından ''gördüyünüz kimi qarşılarında qadınlar və uşaqlar olmadıqda qorxularından qaçmağa başlayırlar'' paylaşımını etdi. ''Makkabi''li Zahavi isə onun bu paylaşımını öz səhifəsində paylaşaraq ''terroru dəstəkləyən daha bir axmaq, ümid edirəm ki, buna cəza verəcəksiz'' ifadəsini yazdı və UEFA-nı ora tağ etdi.

ƏLİ