Konfrans Liqasının 2-ci təsnifat mərhələsində “Zirə” ilə qarşılaşacaq Təl-Əviv “Makkabi”si 2 futbolçusunu Bakıya gətirməyəcək.

Football-plus.az xəbər verir ki, məlumatı İsrail mətbuatı yayıb.

Yarımmüdafiəçi Nir Biton və hücumçu Eran Zahavi zədədən sonra bərpa prosesi keçdikləri üçün kollektivdən ayrı məşq edirlər.

Baş məşqçi Vladimir İviç onların İsraildəki cavab qarşılaşmasına yetişəcəyinə ümid edir. Hər iki oyunçu komandanın ulduzu hesab olunurlar.

Qeyd edək ki, “Zirə”nin “Makkabi” ilə ilk oyunu iyulun 21-də “Dalğa Arena”da olacaq. Görüş saat 20.00-da start götürəcək. Bu komandalar bir həftə sonra Təl-Əvivdəki “Blumfild” stadionunda revanş matçına çıxacaq.