Rəşad Sadıqovla 250-ci oyun

Misli premyer-liqasının 9-cu turu “Zirə”nin baş məşqçisi Rəşad Sadıqov üçün əlamətdar olub.

"Football-plus.az" xəbər verir ki, qəsəbə təmsilçisi onun rəhbərliyi dövründə 250-ci oyuna çıxıb. “Qartallar” “Sumqayıt”la ev matçında 3:2 hesabı ilə qalib gəlib.

2020-ci ilin iyulundan “Zirə”ni çalışdıran Sadıqovun rəhbərliyi dövründə 112 qələbə qazanan komanda 76 heç-heçə edib və 62 məğlubiyyət alıb. Top fərqi 316-237-dir. 250 oyundan 206-sı Premyer Liqa, 28-i ölkə kuboku, 16-sı avrokubok matçı olub.

Baş məşqçinin debütü 2020-ci il avqustun 23-də premyer-liqanın “Qəbələ” ilə səfər matçında (1:1) gerçəkləşib.