“Məşqçi heyəti məğlubiyyətin nə ilə bağlı olduğunu yaxşı bilir, oyunları təhlil edir. Məsələ ondadı ki, komanda yaratdığı qol vəziyyətlərini reallaşdıra bilmir. Müdafiədə də böyük səhvlərə yol verir və hər oyunda qol buraxırlar, yəni müdafiəçilər zəif çıxış edir. "Sumqayıt"la oyunda maraqlı epizod oldu. Renduliç Mikelsi əvəzləyəndə o, heç baş məşqçiyə tərəf getmədi. Ehtiyat oyunçular skamyasına yox, birbaşa paltardəyişmə otağına yollandı. Xallar itirildikcə komandada müəyyən gərginlik yaranır. “Bayquşlar”, demək olar, templi, sürətli oyuna üstünlük verirlər. Bu sarıdan problemləri yoxdu. Epizodlar da yarada bilirlər. Bu mövsüm bütün komandalar oyunlara ciddi yanaşır. Artıq görürük ki, “Qarabağ" da əvvəlki çempionatlardakı kimi rahat qalib gələ bilmir. Hər xal uğrunda amansız mübarizə gedir. Burda kiminsə yüksəlişdə, digərinin enişdə olduğunu demək olmaz. “Sumqayıt” iki oyunda qalib gələn kimi 6-ci pilləyə qalxdı. “Şamaxı" da iki oyunda qalib gəlsə, yuxarı pilləyə yaxınlaşa bilər. Fikrimcə, klublar eyni səviyyədədi. "Sabah"ın 17 xalı var, 2 qələbədən sonra 23 xal olacaq. Ona görə də Renduliçin müqaviləsi varsa, qalıb işləsin. “Sabah”ın böyük ehtiyat oyunçular skamyası var. Yəni oyunçuların səviyyəsinə, fərdi ustalığına görə heç bir komandadan geri qalmırlar. Sadəcə, rəqiblər də onları yaxşı təhlil edirlər”.