“Renduliçin işini müsbət dəyərləndirmək olar. Çünki, o komandaya gələndə “Sabah” 6-7-ci sıralarda idi. Renduliçin gəlişiylə klubda ab-hava dəyişdi. Məğlubiyyətlər olsa da, ardıcıl 4 qələbədən sonra komandanın şansı artdı. Bu üzdən onun işini müsbət qiymətləndirirəm. “Sabah”ın Konfrans Liqasındakı çıxışına gəlincə, Renduliç heyət yığsa və klub rəhbərliyi də qısa zaman kəsiyində onun seçdiyi oyunçuları kollektivə cəlb etsə, Avropada da uğur qazana bilərlər. Düşünürəm ki, xorvatiyalı çalışdırıcının gördüyü iş göz qabağındadı. Həmçinin klub rəhbərliyinin də düzgün məşqçi seçimi bəhrəsini verdi. Çünki Murad Musayevin vaxtında artıq komanda enişə doğru gedirdi”.