Bu gün Misli premyer-liqasının 2-ci turundan təxirə salınan oyunda “Sumqayıt” “Sabah”ı qəbul edib.

"Football-plus.az" xəbər verir ki, “CBC Sport” oyunu canlı yayınlayıb.

25 oktyabr
Misli premyer-liqası
1-ci dövrə, 2-ci tur
Sumqayıt – Sabah 1:0
Kamran Aliev, 4
“Sumqayıt”ın bu rəqiblə ev oyunlarının balansı: 10:+3=0-7, 6:20.
2018/19 – 0:1, 1:0; 2019/20 – 1:0, 1:2; 2020/21 – 1:2, 0:2; 2021/22 – 2:0, 0:3; 2022/23 – 0:6, 0:4.
Cəzalı: yoxdu.
“Futbol+”in proqnozu: 30-30-40.
Sumqayıt. “Kapital Bank Arena”. Saat 18.30.

Komandalar bir həftə ərzində 2-ci dəfə üz-üzə gələcək. 10-cu turdakı görüşün nəticəsi bəllidi - “Sabah” “Sumqayıt”ı 3:1 hesabıyla məğlub etdi. Şənbə günü göründü ki, oyun baxımından olmasa da, “bayquşlar”ın futbolçuları keyfiyyət cəhətdən “kimyaçılar”dan üstündü.

“Gənclik şəhəri” təmsilçisində işlər qaydasında deyil, komanda stabil oyun nümayiş etdirmir. İndi ələ əla fürsət düşüb. Samir Abasovun rəhbərlik etdiyi komanda qələbə sayəsində bir pillə irəliyə, bu da “kimyaçılar”ın avrokuboklar üçün ümidlənməsinə səbəb ola bilər. Lakin “Sumqayıt”da hücum qurmaq baxımından problem var. Kollektivin üzvləri son nöqtəni qoya bilmir. Komandada xətlərarası əlaqənin səviyyəsi aşağıdı. Bu da oyun keyfiyyətini aşağı salır.

Masazır klubu mövsümə yaxşı başlamadı. Təsadüfi deyil ki, “bayquşlar” 10-cu turda 2-ci qələbəsini qazandı. Bu görüş “tələbələr” üçün də yaxşı şansdı. Murad Musayevin komandası qələbə qazansa, xalını 14-ə çatdıracaq və bununla da iki pillə irəliləyəcək. Ümumiyyətlə, Sumqayıtda mümkün qələbə “Sabah”ın işlərini qaydasına sala bilər.

Oyunun favoriti, təbii ki, qonaqlardı. Lakin Samir Abasovun komandası da qələbə üçün meydanda can qoyacaq. Maraq üçün bildirək ki, Sumqayıtda keçirilən qarşılaşmalarda heç vaxt heç-heçə qeydə alınmayıb. Bu məqam da oyunun maraqlı keçəcəyinin xəbərçisidi.

Ümumiyyətlə, bu komandalar indiyə kimi 20 dəfə üz-üzə gəlib. Bu görüşlərin 6-da “Sumqayıt”, 11-də “Sabah” qələbə qazanıb, 3-də isə heç-heçə qeydə alınıb. Topların nisbətində də “bayquşlar” öndədi – 40:20.