Vaxtilə millimizin şərəfini qoruyan, klub karyerasında “Qarabağ”la “Neftçi”nin formasını geyən Qara Qarayev cari mövsümün sonuna qədər “Araz-Naxçıvan”ın uğurları üçün tər tökəcək.

İddialara görə, futbolçunun transfer edilməsinin əsas səbəbi Vadim Abdullayevin əməliyyat olunmasıdı. Həmçinin Qaranın uzun müddət yaşıl meydandan uzaq qalması “qırmızı-ağlar” üçün faydalı olub-olmayacağı yönündə fikir ayrılığı yaradıb.
Bu barədə Muxtar Respublika təmsilçinin baş məşqçisi Elmar Başxıyevin fikirlərini öyrəndik.

Mütəxəssis “Football-plus.az”a açıqlamasında Qaranın gəlişinin Vadimin əməliyyat olunmasıyla bağlı olmadığını bildirdi. Onun sözlərinə görə, transfer, sadəcə, orta xətdə rəqabəti artırmaq üçün edilib.

Elmar bəy futbolçunun fiziki və psixoloji hazırlığıyla bağlı ətraflı məlumata sahib olmadığını dedi. Əlavə etdi ki, bunun üçün bir qədər vaxt lazımdı: