“Ümumiyyətlə, bir sıra oyunçular var ki, onların özlərini gsötərməsi üçün sabitlik lazımdı. Qaranın da “Neftçi”də özünü göstərə bilməməsinin əsas səbəbi klubda sabitliyin olmamasıdı. Tez-tez məşqçi dəyişiklikləri və nəticənin olmaması, təbii ki, futbolçuların performansına da təsir edir. Fikrimcə, ən önəmli səbəb budu. İnanmıram ki, Qaranın səviyyəsi kəskin aşağı düşüb. Əlbəttə, yaş özünü göstərir və müntəzəm oynamadıqda futbolçu formasından uzaq düşür. Amma bu, onun bacarıqlarını itirməsi, heç kimə lazım olmaması anlamına gəlmir. Qara təcrübəli oyunçu, ağıllı insandı. Həmçinin illərdi ölkə futbolunun içindədi. Yəqin müntəzəm çıxış edə biləcəyi və özünü daha rahat hiss edəcəyi kluba getməlidi ki, yenidən formasını bərpa edə bilsin”.