"Qaranın "Qarabağ"dan gedişi mənə görə təəccüblü oldu. O, Ağdam klubu üçün dəyər idi, uşaqlıqdan bu komandada çıxış edirdi. Kənardan gördüyüm qədər əsas heyətdə yer tapa bilmədi və bu addımı atdı. Amma ən doğrusunu klub rəhbərliyi və futbolçu bilər. Ona gələcək karyerasında uğurlar arzulayıram. Son vaxtlar millinin heyətinə dəvət almasa da, öz mövqeyində çıxış edən ən yaxşı oyunçulardan biridi. Bundan sonra yeni klubu "Neftçi"yə də böyük köməyi dəyəcək. "Ağ-qaralar"ın rəhbərliyi Qaranı transfer etməklə ağıllı addım atdı".

"Fikrimcə, bu məsələ barədə Qara və "Qarabağ" rəhbərliyinə sual versəz, daha yaxşı olar. Çünki mənim bu haqda danışmağım düz çıxmaz. Qaranın gedəcəyi klub da pis deyil. O, daha çox şans qazanmaq istədiyi "Neftçi"yə keçir. Ona yeni komandasında uğurlar arzulayıram".

"Qara Qarayevin "Qarabağ"dan ayrılmasını normal qarşılayıram. Dünya futbolunun ulduzları Ronaldo və Messi də klublarını dəyişirlər. Qaraya yeni komandasında uğurlaq arzulayıram. Bu haqda başqa heç bə deyə bilmərəm".

"Qaranın "Qarabağ"dan ayrılması mənim üçün gözlənilməz oldu. Son illərdə "Qarabağ"la "Neftçi" arasında rəqabət güclüdü. Yəqin ki, daha çox oynamaq istədiyi üçün bu addımı atdı. Ona karyerasında uğurlar arzulayıram".