''Qalatasaray''la derbidə ''Beşiktaş''lılar Çiro İmmobiledən çox şey gözləyirdi.

Təcrübəli italiyalı forvard bombardirlər yarışına başçılıq edir. Üstəlik mövsümün əvvəlində 5:0-lıq superkubok matçında o, ''Qalatasaray''a iki qol vurmuşdu. Amma bu dəfə İmmobile zəif təsir bağışladı. Hətta o dərəcədə zəif ki, belə demək mümkünsə, şəxsi antirekordunu tekrarladı. 34 yaşlı forvard 90 dəqiqə ərzində qapıya zərbə vurmadı və rəqibin cərimə meydançasında bir dəfə də olsun topa toxuna bilmədi! Mərkəz hücumçusu üçün çox acınacaqlı göstəricilərdi.

''Opta''nın məlumatına görə İmmobile karyerasında milli çempionat çərçivəsində 218-ci oyununa çıxdı və yalnız ikinci dəfə bir matçı qapıya zərbə vurmadan, eləcə də rəqib cərimə meydançasında topa toxunmadan tamamladı. O daha öncə ilk belə halla 2013-ün sentyabrında ''Torino''nun heyətində ''Yuventus''la oyunda qarşılaşmışdı.

ƏLİ