Ötən tur ''İstanbul BŞ'' ilə oyunun son anlarında vurduğu qolla ''Trabzonspor''a qələbə qazandıran Edin Visça artıq gözünü yeni bir göstəriciyə dikib.

34 yaşlı bosniyalı ulduz bu tur ''Göztəpə'' ilə səfər oyununda da fərqlənsə, superliqada 100 qol həddinə çataraq ''100-lər klubu''na daxil olacaq. Ünlü futbolçu indiyə qədər Türkiyə çempionatında 383 oyun keçirərək 99 qol vurub. O bunlardan 85-ni ''İstanbul BŞ''nin, 14-nü ''Trabzonspor''un heyətində vurub.

Yeri gəlmişkən, Visça turnirin tarixində 100 qol həddinə çatan cəmi ikinci əcnəbi futbolçu ola bilər. Hazırda ''100-lər klubu''nda əcnəbilərdən yalnız Aleks de Souza yer alıb. ''Fənərbaxça''da vaxtilə xarüqələr yaradan Aleks Türkiyə çempionatında 245 oyuna 136 qol vurub və turnirin ən məhsuldar oyunçuları siyahısında 13-cü pillədədi.

ƏLİ