Türkiyə çempionatının 10-cu turunda bütün diqqətlər derbiyə yönələcək.

Bazar ertəsi bu mövsüm hələ ki, superliqada uduzmayan iki komandanın duelində ''Qalatasaray'' ''Beşiktaş''ı qəbul edəcək.

Mövsümün əvvəlində bu komandalar arasında baş tutan superkubok matçında ''Beşiktaş'' rəqibini 5:0 hesabı ilə darmadağın etmişdi. Covanni van Bronkhorst yenə Okan Buruka qalib gəlsə, ''Qartal''da 14 ildən sonra bir ilk yaşanacaq.

Belə ki, ''ağ-qaralar'' son illərdə əcnəbi məşqçilərin başçılığı altında ''Cim-Bom''u məğlub edə bilmir. Son belə qələbə 2010/11 mövsümündə qeydə alınıb. 2010-cu ilin noyabrın 28-də ''Beşiktaş'' Bernd Şusterin başçılığı altında səfərdə əzəli rəqibini 2:1 hesabı ilə yenmişdi.

O vaxtdan bu yana ''ağ-qaralar'' portuqaliyalılar - Karlos Karvalyal, Slaven Biliç və Fernando Santuşun başçılığı altında ''Qalatasaray''a qarşı keçirdikləri 7 oyundan 1 heç-heçə, 6 məğlubiyyətlə ayrılıblar! Məğlubiyyətlərdən biri texnikidi.

ƏLİ