Çempionlar Liqasında əsas mərhələnin 3-cü turunda ''Real'' ilə Dortmund ''Borussiya''sının dueli çox parlaq və məhsuldar alındı.

Qonaqlar ''Santyaqo Bernabeu''da Malen və Gittensin qolları ilə gözlənilmədən fasiləyə 2:0 üstün yollandılar. Amma ''Kral klubu'' ikinci hissədə şou göstərdi. Artıq 62-ci dəqiqədə hesab bərabər idi. Son 10 dəqiqədə yenidən coşan Madrid nəhəngi daha 3 qol vuraraq mükəmməl bir geridönüş etdi. Het-trik edərək əla performans sərgiləyən Vinisius oyunun ən yaxşısı seçildi.

''Sambaçı'' ilk dəfə bu turnirdə bir oyuna 3 qol vurdu. Digər qolları isə Rüdiger ilə Vaskes vurdu. Qeyd edək ki, ÇL tarixində cəmi 2-ci dəfə 2 top fərqi ilə geridə olan komandanın böyükhesablı qələbəsi qeydə alındı. Maraqlıdı ki, hər iki halda bunu ''Real'' bacarıb. İlk belə hal 2022/23-də ÇL-in 1/8 finalında ''Liverpul'' ilə səfər oyununda qeydə alınmışdı. ''Real'' həmin vaxt da 0:2-ni 5:2-yə çevirməyi bacarmışdı.

ƏLİ