Çempionlar Liqasının 1/8 finalında ''Real'' öz meydanında da ''Liverpul''u üstələdi.

"Football-plus.az" xəbər verir ki, Kərim Benzemanın 78-ci dəqiqədə vurduğu qol görüşdə yeganə oldu.

Beləliklə, Madrid nəhəngi iki oyunun nəticəsinə görə 6:2 hesabı ilə qalib gələrək adını 1/4 finala yazdırdı. ''Santyaqo Bernabeu''dakı matçın final fitindən dərhal sonra ''Liverpul''un qeyri-rəsmi himni, yəni ''You'll never walk alone'' mahnısının səsləndirilməsi diqqət çəkdi. Sonradan məlum oldu, ''Real'' rəhbərliyi ''Liverpul''un ilk oyundakı jestinə məhz bu cür qarşılıq vermək qərarına gəlib.

Bilindiyi kimi ''Enfild Roud''dakı ilk görüşdən bir gün öncə, fevralın 21-də ''Real''ın fəxri prezidenti Amansio dünyasını dəyişmişdi. Qarşılaşmadan öncə onun xatirəsi bir dəqiqəlik sükutla yad edilmişdi.

Bundan başqa start fitindən əvvəl ''Liverpul''un əfsanəsi Kenni Dalqliş ''Real'' fanatlarının olduğu sektorun önünə gül qoymuşdu.