Məhəmməd Salah karyerasını “Real”da davam etdirə bilər.

“FourFourTwo” nəşrinin yaydığı məlumata görə, 32 yaşlı hücumçunun “Liverpul”la müqaviləsinin müddəti 2025-ci ilin yayına qədər nəzərdə tutulub. O, artıq gələn ilin yanvarında digər klublarla danışıq apararaq azad gələcək agent kimi ilkin müqavilə imzalaya biləcək. Məhəmmədin “Real”a keçə biləcəyi qeyd olunur. Madrid klubunun misirli futbolçunu heyətinə qatmağı planlaşdırdığı da bildirilir.

Salah ilə həmçinin PSJ də maraqlanır. O, bu mövsüm klub səviyyəsində iştirak etdiyi 10 matçda 6 qol vurub və 5 məhsuldar ötürmə edib.