Bu qrupda 3-cü turun oyunlarında qonaqlar meydanda heç bir varlıq göstərə bilmədilər.

Əslində Oslodakı matçın maraqlı və gərgin keçəcəyi gözlənilirdi. Çünki Sloveniya yüksəlişdə idi. Oblakın qoruduğu qapıya son Avropa çempionatında hətta İngiltərə və Portuqaliya kimi güclü komandalar da yol tapa bilməmişdi. Amma bu matçda həm Oblak, həm də komanda yoldaşları gözlənilmədən çox zəif təsir bağışladılar. Norveçin qol silahları – Holann ilə Sörlot üzərinə düşəni artıqlamasıyla yerinə yetirdi. Yeri gəlmişkən, Holann dubl sayəsində tarixi göstəriciyə nail oldu. O, yığmada 36-cı oyunda vurduğu qolların sayını 34-ə çatdırmaqla 90 illik rekordu yenilədi və Norveç tarixinin ən məhsuldar oyunçusuna çevrildi. 45 oyuna 33 qol vuran Yorgen Yuvenin əvvəlki rekordu 1934-cü ildən bəri davam edirdi.

Elə qrupun digər oyuununda da qonaq komanda “ağ bayraq qaldırmalı” oldu. Qazaxıstan, deyəsən, bu gedişlə B liqasına yüksəldiyinə peşman olacaq. Ötən ML-də yığmamızın da yer aldığı qrupu lider kimi bitirən qazaxlar üçün belə görünür, B liqasında nəsə etmək çox çətin olacaq. Düzdü, Stanislav Çerçesovun komandası ilk turda evdə Holannlı Norveçdən xal almaqla (0:0) çoxlarını təəccübləndirdi. Amma davamını gətirmək mümkün olmadı. Lyublyanada 3 cavabsız qol buraxan Qazaxıstan bu dəfə Avstriyadan 4 cavabsız top buraxdı. Yoldaşlıq oyunlarını da nəzərə alsaq, Qazaxıstan son 7 qarşılaşmadan 6 məğlubiyyət, 1 heç-heçə ilə ayrılıb.

B liqası, 3-cü qrup
Norveç – Sloveniya 3:0 (1:0)
Norveç: Nyulann, Ayer, Estiqor (Pedersen, 46), Hanke-Olsen, Volfe, Ryuyerson (Vetlesen, 82), Berge, Torsbi (Berq, 75), Nusa (Dennum, 75), Sörlot (Larsen, 75), Holann.
Sloveniya: Oblak, Yanza, Drkuşiç, Biyol, Balkovets (Vipotnik, 57), Qnezda-Çerin (İliçiç, 79), Elsnik, Stoyanoviç, Petroviç (Kurtiç, 73), Şporar (Çelar, 57), Şeşko (Kramer, 79).
Qollar: Holann, 7 (1:0). Sörlot, 52 (2:0). Holann, 62 (3:0).
Vərəqələr: Stoyanoviç, 63. Berq, 88 – sarı.
Hakim: Manfredas Lukyançukas (Litva).
10 oktyabr. Oslo. 23341 tamaşaçı.

Avstriya – Qazaxıstan 4:0 (1:0)
Avstriya: Şlager, Poş, Trauner (Svoboda, 62), Linhart, Prass, Zayvald, Laymer (Qrillitş, 76), Şmid (Vimmer, 62), Zabitser, Baumqartner (Zaydl, 72), Adamu (Arnautoviç, 62).
Qazaxıstan: Şatski, Astanov, Kasım, Abiken (Orazov, 46), Alip, Voroqovski, Taqıbergen (Darabayev, 67), Zaynutdinov (Jaksıbayev, 76), İslamxan (Samorodov, 46), Çesnokov, Jaksılıkov (Şuşenaçev, 59).
Qollar: Baumqartner, 10 (1:0). Linhart, 54 (2:0). Zabitser, 56 (3:0). Zaydl, 79 (4:0).
Vərəqələr: Prass, 15. Zaynutdinov, 61. Alip, 65. Astanov, 89 – sarı.
Hakim: Donald Robertson (Şotlandiya).
10 oktyabr. Lints. 14500 tamaşaçı.

1. Norveç 3 2 1 0 5-1 7
2. Avstriya 3 1 1 1 6-3 4
3. Sloveniya 3 1 1 1 4-4 4
4. Qazaxıstan 3 0 1 2 0-7 1