Qrupun ilk oyunu Almatıda keçirildi. Stanislav Çerçesovun Qazaxıstanın baş məşqçisi postundakı debüt oyununda rəqib Norveç idi.

Qonaqlar aşkar favorit sayılırdılar. Heyətində Holann, Sörlot, Edeqor kimi ulduzlar olan komandadan hər kəs asan qələbə gözləyirdi. Çerçesovun Holannla bağlı oyunöncəsi zarafatı diqqəti çəkmişdi. Ona Xosep Qvardiolanın “Holannı hətta əlində tapança olan şəxs də dayandıra bilməz” sözləri xatırladılarkən təcrübəli mütəxəssis “onda əlimizə “kalaşnikov” avtomatı götürəcəyik” cavabını vermişdi. Silaha ehtiyac qalmadı. Qazaxıstan komanda şəklində əla və sərt müdafiə olunaraq Holannın, eləcə də digər norveçli ulduzların qarşısını kəsməyi bacardı. Düzdü, bəzi anlarda bəxt də meydan sahiblərinin üzünə güldü. Məsələn, ilk yarıda Myurenin, ikinci yarıda isə Holannın zərbələrindən sonra qazaxları tir xilas etdi. Stole Solbakkenin komandası çox böyük üstünlüyə malik olmasına baxmayaraq heç cür topu tora göndərə bilmədi. Bu nəticə Norveçdə az qala faciə kimi qəbul olundu. Çünki norveçli fanatlar artıq bu istedadlı nəsildən ciddi uğurlar gözləyir. Amma komanda heç cür ümidləri doğrulda bilmir.

Skandinaviyalıların son 6 oyunda cəmi 1 qələbəsi var. Qrupun Lyublyanada keçirilən digər oyununda isə son AÇ-nin 1/8 finalçıları üz-üzə gəldi. Bundesliqada çıxış edən futbolçuların ilk yarıda vurduğu qarşılıqlı qollar yekun nəticəni müəyyənləşdirdi.

B liqası, 3-cü qrup
1-ci tur
Sloveniya – Avstriya 1:1 (1:1)
Sloveniya: Vidovşek, Brekalo (Balkovets, 86), Drkuşiç, Biyol, Yanza, Qnezda-Çerin, Elsnik, Stoyanoviç, Lovriç (Mlakar, 63), Şeşko, Şporar (Çelar, 63).
Avstriya: Pents, Mvene, Poş, Vöber, Prass, Laymer, Zayvald, Şmid (Ştöger, 82), Zabitser, Vimmer (Baumqartner, 46), Arnautoviç (Adamu, 82).
Qollar: Şeşko, 16-p. (1:0). Laymer, 28 (1:1).
Vərəqələr: Laymer, 35. Zabitser, 35. Prass, 45. Qnezda-Çerin, 54. Yanza, 76. Mvene, 83 – sarı.
Hakim: Radu Petresku (Rumıniya).
6 sentyabr. Lyublyana. 14834 tamaşaçı.

Qazaxıstan – Norveç 0:0
Qazaxıstan: Şatski, Bıstrov, Kasım, Maroçkin, Alip, Voroqovski, Taqıberqen, Zaynutdinov (Karimov, 63), Orazov (Abiken, 58), Çesnokov (Astanov, 80), Aymbetov (Samorodov, 58).
Norveç: Nyulann, Ryuyerson, Osteqar, Hanke-Olsen, Volfe, Berq (Berge, 70), Myure (Larsen, 70), Edeqor, Nusa (Egeli, 84), Sörlot (Dennum, 70), Holann.
Vərəqələr: Zaynutdinov, 38. Kasım, 42. Abiken, 72. Çesnokov, 75. Dennum, 78 – sarı.
Hakim: Allard Lindhaut (Niderland).
6 sentyabr. Almatı. 23173 tamaşaçı.

2-ci tur
Norveç – Avstriya 2:1
Müre, 9. Holann, 83 – Zabitser, 37.

Sloveniya – Qazaxıstan 3:0
Şeşko, 23; 28; 63.

1. Sloveniya 2 1 1 0 4-1 4
2. Norveç 2 1 1 0 2-1 4
3. Avstriya 2 0 1 1 2-3 1
4. Qazaxıstan 2 0 1 1 0-3 1