''Mən onun kimi addım ata bilməzdim''
''Qalatasaray''ın belçikalı ulduzu Dris Mertens həmyerlisi Mişi Batşuayi barədə diqqətçəkən açıqlamalar verib.
Xatırladaq ki, son iki mövsümdə ''Fənərbaxça''nın şərəfini qoruyan Batşuayi bu yay sürpriz şəkildə əzəli rəqib ''Qalatasaray''a transfer olundu. Daha öncə ''Beşiktaş''da da top qovmuş təcrübəli forvard bununla da hər üç İstanbul nəhəngində forma geymiş ilk əcnəbi futbolçu kimi tarixə düşdü. Mertensi dinləyək:
''Bu transferdən öncə Batşuayi ilə söhbət etməmişdim. Sadəcə xəbərlərin günü-gündən artdığını görərək ona mesaj göndərdim və gəlib-gəlməyəcəyini soruşdum. Komandamıza gəldiyi üçün sevincliyəm. Ötən mövsümü çox yaxşı və məhsuldar keçirdi. ''Qalatasaray''ın həqiqətən də onu istədiyini gördü və əlinə düşən bu fürsəti dəyərləndirdi. Bəlkə də mən onun yerində olsam, bu cür addım ata bilməzdim. Amma bu, onun qərarıdı. Batşuayi yaxşı insandı və heç kimi incitmək istəmədi. Futbol oynamağı, qollar vurmağı sevir. ''Qalatasaray''da da qolları sıralayacağına ümid edirəm''.
ƏLİ
Digər xəbərlər
