''Qalatasaray''ın ardından ''Fənərbaxça'' da Türkiyə kubokunda sürprizə imkan vermədi.

''Fənər'' 1/8 final çərçivəsində ''Qaziantep''in qonağı oldu.

İstanbul nəhəngi Mişi Batşuayinin biri penaltidən olmaqla vurduğu iki qol sayəsində 2:0 hesablı qələbə qazandı. Təcrübəli belçikalı forvard bu mövsüm əsas heyət üzvü sayılmır. Vacib oyunlarda o, əsasən Edin Cekonu əvəzləyərək sonradan meydana daxil olur. Buna baxmayaraq onun məhsuldarlığı diqqət çəkir. 30 yaşlı futbolçu Antepdə daha 2 dəfə fərqlənməklə bu mövsüm vurduğu qolların sayını 17-yə çatdırdı.

Daha dəqiq desək, 2023/24-də belçikalı 29 rəsmi oyunda 1175 dəqiqə meydanda olub və 17 qol, 2 məhsuldar ötürmə ilə fərqlənib. Bu da o deməkdi ki, Batşuayi orta hesabla hər 60 dəqiqədə bir qolun vurulmasında yaxından iştirak edir! Qeyd edək ki, Batşuayi ötən mövsüm ''sarı-lacivərdlilər''in heyətində 32 rəsmi oyunda 20 qol, 2 məhsuldar ötürmə ilə yadda qalmışdı.

ƏLİ