''Fənərbaxça''nın növbəti dəfə Çempionlar Liqasında ümidləri doğrultmaması və ardıcıl 16-cı il qrup mərhələsindən kənar qalması hazırda Türkiyə futbolunda əsas gündəm mövzusudu.

''Fənər''lilər üzgün olduqları halda rəqibləri əlbəttə ki, sevinir. Bu arada ''Qalatasaray''ın əsas qol silahı Mauro İkardi də ''Fənər''in uğursuzluğuuna biganə qalmayıb. O, fürsətdən istifadə edərək rəqib camiəni qıcıqlandırmağa çalışıb. Argentinalı forvard final fitindən dərhal sonra 12 milyondan çox təqibçisi olan ''instaqram'' səhifəsinin hekayə bölümündə komanda yoldaşı Mişi Batşuayi ilə birlikdə məşqdə gülən yerdə çəkilən şəklini paylaşıb. Özü də həmin şəkilə Simge Sağının ''Aşkın olayım'' mahnısını də əlavə edib. Bilindiyi kimi İkardi ''Qalatasaray''ın ev oyunlarında hər dəfə qol vurarkən stadionda məhz bu mahnı səslənir. Bundan başqa ''Fənər''in rəqibi ''Lill'' də cavab oyunu üçün paylaşdığı anons tipli videoçarxa məhz bu mahnını əlavə etmişdi.

Batşuayinin isə ''Qalatasaray''a bu yay məhz ''Fənərbaxça''dan gəldiyini xatırladaq. İlk turda ''Hatayspor''la oyunda ''Cim-Bom'' İkardi və Batşuayinin qolları ilə qalib gəlmişdi. İkardinin bu paylaşımı gözlənildiyi kimi sosial şəbəkələrdə ''Fənər''liləri qəzəbləndirib.

ƏLİ