'Fənərbaxça'' nəhayət, heyətini mərkəz hücumçusu ilə gücləndirməyə müvəffəq oldu.

Football-plus.az xəbər verir ki, İstanbul nəhəngi Mişi Batşuayinin transferini rəsmən açıqladı. Amma keçidin detalları heç də Türkiyə mətbuatının iddia etdiyi kimi deyil. Yerli mənbələr ''Fənər''in 28 yaşlı forvardı ''Çelsi''dən icarəyə götürəcəyini bildirirdi. Amma ''sarı-lacivərdlilər'' Batşuayi ilə ''2+1'' illik müqavilə imzalayıb. Bunun qarşılığında londonlulara 3,5 milyon avro ödəniləcək. Məbləğin az olmasına təsir edən məqam odu ki, belçikalının ''Çelsi'' ilə müqaviləsi gələn yay başa çatırdı.

Xatırladaq ki, ''zadəganlar'' bu futbolçunu 2016-da 40 milyon avroya transfer etmişdilər. Forvardın yeni klubunda illik qazancı 3 milyon avroya bərabər olacaq. Onu da bildirək ki, Batşuayi ötən mövsüm İstanbulun digər nəhəngi ''Beşiktaş''ın şərəfini qorumuş və 42 rəsmi oyunda 14 qol, 5 məhsuldar ötürmə ilə fərqlənmişdi.