Türkiyə çempionatında ilk 6 tura cəmi 1 xal toplayan və avstraliyalı mütəxəssis Maykl Valkanislə yollarını ayıran ''Adana Dəmirspor''un Volkan Dəmirəl ilə apardığı danışıqlar uğursuzluqla nəticələndi.

Türkiyə mətbuatının yazdığına inansaq, klub rəhbərliyi ilə Dəmirəl arasında üç dəfə görüş baş tutdu. İlk iki görüşdən sonra tərəflər demək olar, anlaşmaq üzrə idilər. Volkan özü də Adana klubunda çalışmaqda istəkli görünürdü. Amma üçüncü görüşdə bəzi xırda detallarda heç cür anlaşmaq mümkün olmadı. Tərəflərdən heç biri güzəştə getmədi. Bu üzdən bu təyinat baş tutmadı. ''Adana Dəmirspor'' hələ bir müddət də köməkçi məşqçi Sərkan Damlanın başçılığı altında məşqlərini davam etdirəcək. İndi klubun başına keçməyə əsas namizədlər Ləvənt Şahin və Hakan Keleşdi.

Dəmirələ gəlincə, o, indiyə qədər ''Fatih Karagümrük'' və ''Hatayspor''u çalışdırıb. 42 yaşlı mütəxəssis mayın əvvəllərindən bu yana işsizdi.

ƏLİ