''Fənərbaxça''nın öz meydanında ''Qalatasaray''a 1:3 hesablı məğlubiyyətindən sonra camiədə rəhbərliyə qarşı etirazlar artıb.

Sosial şəbəkələrdə Əli Koçun istefa verməli olduğuna dair 1 milyondan çox paylaşımlar edilib. Bu arada İsmayıl Kartalın adı yenidən gündəmə gəlməyə başlayıb. Derbidəki məğlubiyyətin ardından bəzi fanatların Kartal ilə görüşərək şəkil çəkdirməsi diqqət çəkib. Türkiyə mətbuatında isə başqan Əli Koçun Kartala zəng vurması və ona ''heç bir komanda ilə anlaşma, məndən xəbər gözlə'' deməsi haqda söz-söhbətlər yayılıb. Amma bu şayiə artıq rəsmi olaraq klub tərəfindən təkzib edilib. Xatırladaq ki, ötən mövsüm ''Fənərbaxça'' Kartal ilə bir çox göstəricilərdə rekord qırmış və 99 xal toplayaraq tarixinin ən yaxşı mövsümünü keçirmişdi. Buna baxmayaraq komanda çempionluq həsrətinə son qoya bilmədiyi üçün bu məşqçi ilə yollar ayrılmış və Joze Mourinyo Türkiyəyə gətirilmişdi. Amma ünlü portuqaliyalı mütəxəssisin davranışları, açıqlamaları və ən əsası göstəriciləri hələ ki, ürəkaçan deyil.

ƏLİ