Avstraliya yığmasında baş məşqçi problemi yoluna qoyulub. Qrehem Arnoldun xələfi müəyyənləşib.

O, bir neçə gün əvvəl yığmadakı 6 illik fəaliyyətini başa vurmuşdu. 61 yaşlı mütəxəssis 2018-ci ilin yayında təyinat aldığı komandanı qeyri-qənaətbəxş nəticələrə görə tərk etmişdi. DÇ-2026-nın son seçmə oyunlarında Bəhreynə məğlubiyyət (0:1) və İndoneziya ilə heç-heçə (0:0) yerli futbol qurumunu qane etmədiyi üçün Arnoldun yerini Toni Popoviç turub. 51 yaşlı mütəxəssis ilə imzalanan müqavilənin müddəti 2 illikdi. Popoviç Avstraliya yığmasında 1995-2006-cı illərdə 58 oyun keçirib və 8 qol vurub.

O, məşqçilik karyerası ərzində yerli “Sidney”, “Vestern Sidney Uonderers”, “Pert Qlori”, “Melburn Viktori”ni, ölkə xaricində isə “Kristal Pelas” (İngiltərə), “Karabükspor” (Türkiyə) və “Ksanti” (Yunanıstan) klublarını çalışdırıb.