İran yığmasında baş məşqçi problemi yoluna qoyulub. Komandanı bundan sonra Əmir Qalenoi çalışdıracaq.

"Football-plus.az" xəbər verir ki, İran Futbol Federasiyasının məlumatında 59 yaşlı yerli məşqçi ilə bağlanan müqavilənin ilkin müddətinin 2024-cü ildə keçiriləcək Asiya Kubokuna qədər olacağı bildirilib. Hər iki tərəf razılaşacağı təqdirdə isə sözləşmənin müddəti 2026-cı ilin yayına qədər uzadılacaq. Qeyd edək ki, İran yığmasının baş məşqçi vəzifəsi Karluş Keyruşun DÇ-2022-dəki uğursuzluğa görə istefasından sonra vakant idi.

Qalenoi karyerası ərzində “Keşavarz”, “Barq Tehran”, “İstiqlal Əhvaz”, “İstiqlal”, “Mis Kerman”, “Sepahan”, “Traktor”, “Zob Ahan” və “Qol Qohar” komandalarını çalışdırıb. O, İran millisinə 2006-08-ci illərdə də rəhbərlik edib.