''Barselona'' və İspaniya yığmasının gənc ulduzu Lamin Yamalın ailəsi təhdid mesajları alırmış.

Bu barədə futbolçunun nənəsi məlumat verib. ''Sport.es'' portalın Yamalın nənəsinin sözlərini ictimaiyyətə açıqlayıb.

17 yaşlı vingerin nənəsinin sözünə görə bir çoxları onların ailəsinə qarşı paxıllıq hissi ilə yanaşır. Qadının sözlərinə görə ailə az qala hər gün sosial şəbəkələrdə ölüm təhdidləri ilə dolu olan mesajlar oxumalı olur. Xatırladaq ki, cari mövsümün startına bir neçə gün qalmış Yamalın atası Munir Nazraui sinəsindən bıçaqlanmış və xəstəxanaya yerləşdirilmişdi. Hadisəni törətməkdə şübhəli bilinən 3 nəfər həbs edilmişdi. Bu yaxınlarda onların məhkəmə prosesi başlayacaq.

Yayda İspaniya yığmasının heyətində əla oyun nümayiş etdirən və Avropa Çempionu olan Yamal yeni mövsümə də çox inamlı start verib. 2024/25-də o artıq ''Barsa''nın heyətində 6 rəsmi oyunda 4 qol, 4 məhsuldar ötürməlik performans sərgiləyib.

ƏLİ