Lamin Yamal gözlənilən mükafatını alıb. “Barselona”nın hücumçusu Ginnesin Rekordlar Kitabından sertifikatlar alıb.

İspaniya yığmasının 17 yaşlı hücumçusu bu yay keçirilən Avropa çempionatının final mərhələsində iştirak edən ən yeniyetmə oyunçu kimi tarixə düşmüşdü. O, qitə çempionatında qol vuran ən yeniyetmə futbolçu adını da qazanıb. Xatırladaq ki, Yamal Fransa ilə yarımfinal matçında (2:1) qapıya yol tapmışdı.
Lamin ötən mövsüm bütün turnirlərdə 50 matçda iştirak edib, 7 qol vurub və 9 məhsuldar ötürmə edib. Onun “Barselona” ilə hazırkı müqaviləsinin müddəti 2026-cı ilin yayına qədər nəzərdə tutulub.

Maraq üçün qeyd edək ki, “transfermarkt” portalı Yamalın transfer dəyərini 120 milyon avro qiymətləndirir.