''Barselona'' və İspaniya yığmasının yeni ulduzu Lamin Yamal şok xəbərlə sarsılıb.

Belə ki, onun atası bıçaqlanıb. Hadisə çərşənbə günü axşam saatlarında Barselonadan təxminən 30 km məsafədə yerləşən Mataro şəhərində baş verib. ''La Vanguardia'' nəşrinin məlumatına görə kimliyi bilinməyən şəxs parkinq yerində Yamalın atası Munir Nazrauinin üstünə hücum çəkərək onu bıçaqla yaralayıb. O, hazırda Badalona şəhərindəki ''San Ruti'' hospitalındadı. Bəzi mənbələr Yamalın atasının həyati təhlükəsinin olmadığını vurğulasa da, onun durumunun ağır olduğunu qeyd edənlər də var.

Polis dərhal məsələ ilə bağlı araşdırmaya başlayıb. Artıq hadisənin şahidləri də tapılıb. Amma cinayətin hansı səbəbə baş verməsi hələ ki, bəlli deyil. Şayiələrə görə Nazraui həmin gün günorta saatlarında qonşuları ilə ciddi mübahisə etmişdi. ''Marka'' nəşrindən həmin mübahisənin görüntüləri də yayılıb. Bıçaqlanma hadisəsinin həmin mübahisə ilə bağlı olması ehtimalı yüksəkdi. Jurnalist Mayka Navarro isə Yamalın atasına bir yox, bir neçə bıçaq zərbəsi endirildiyini qeyd edib. Ən son xəbərlərdə 3 nəfərin həbs olunduğu, daha 4 nəfərin axtarışda olduğu vurğulanılır.

ƏLİ