A seriyasında 3-cü turdan sonra birdən-birə 4 komanda turnir cədvəlində şərikli lider idi. Onlardan üçü 4-cü turun şənbə və bazar günü keçirilən oyunlarında büdrədi. Bu baxımdan tur “Napoli” və “Milan” üçün daha düşərli oldu.

Tura daha çox top vurduğu üçün 1-ci yerdə başlayan “İnter” qələbə seriyasını 3-ə çatdıra bilmədi. Son çempion Montsada büdrədi. Halbuki milanlılar ilk hissədə bir neçə real qol şansı yaxaladılar, lakin iki dəfə Lautaro Martinesin, bir dəfə isə Frattezinin zərbəsi hədəfə düşmədi. Ümumiyyətlə, Simone İnzaqinin komandası fasiləyə qədər qapıya bir dəqiq zərbə belə endirə bilmədi. Baş məşqçi ikinci hissədə Taremi ilə Zyelinskini mübarizəyə qoşsa da, qonaqlar bu planda yenə də irəliləyişə nail ola bilmədilər. Matçboyu bütün zonaları bağlamağa böyük ölçüdə müvəffəq olan ev sahibləri 81-ci dəqiqədə Motanın baş zərbəsi ilə hesabı açdılar. “İnter”in gücü yalnız məğlubiyyətdən qurtulmağa çatdı. Dyumfrisin cavab qoluna baxmayaraq, çempion liderliyi əldən verdi.

Mövsümə 3:0 hesablı ardıcıl iki qələbə ilə başlayan “Yuventus” evdə “Roma” ilə keçirdiyi oyunda olduğu kimi, Empoli səfərində də iki xal itirdi. Turinlilər bu mövsüm qapısından top buraxmasalar da, artıq iki oyundu qol da vura bilmirlər. Tyaqo Mottanın komandası oyun ərzində qələbəyə yetəcək qədər qol şansı yaxalamasına baxmayaraq, matçı yüksək səviyyədə keçirən qapıçı Vaskesi heç cür məyus edə bilmədi. Növbəti iki xal itkisi “Yuventus”un vahid liderliyi yenidən ələ almasına imkan yaratmadı. İlk 3 turda 7 xal toplayan Turinin digər təmsilçisi “Torino” da rəqibi “Leççe” ilə qolsuz heç-heçəyə razılaşaraq bu şansı əldən verdi.

Şərikli liderlərin büdrəməsindən isə “Napoli” maksimum yararlandı. İlk turda “Verona”dan üç cavabsız top buraxan Antonio Kontenin komandası tədricən xal ehtiyatını artırır. 55 yaşlı baş məşqçinin debütü fiasko ilə nəticələnsə (“Verona”ya 0:3 hesablı məğlubiyyət) də, cənublular sonrakı üç oyunu maksimum nəticə ilə başa vurublar. “Napoli”nin səfərdə “Kalyari”yə qarşı keçirdiyi oyunun əsas qəhrəmanları Lukaku ilə Kvaratsxeliya oldular. Ümumiyyətlə, cənubluların bütün xətlərdə əla oyun sərgilədiklərini qeyd edək.

Nəhayət, “Milan” bu mövsüm Paulu Fonsekanın başçılığı altında ilk rəsmi qələbəsini qazandı. İlk 3 oyunda yalnız 2 xal toplayan vitse-çempion uğursuz startın acığını “Venetsiya”dan çıxdı. Ölkə nəhəngi müəyyən fasilədən sonra A seriyasına qayıdan rəqibini, necə deyərlər, meydana çıxmasına peşman etdi. İlk hissədə 27 dəqiqəyə 4 cavabsız top vuran ev sahiblərinin fasilədən sonra gücünə qənaət etdiyi hiss olunurdu. Hər halda “Milan”ı qarşıda Çempionlar Liqasında “Liverpul”a, A seriyasında isə “İnter”ə qarşı olduqca vacib oyunlar gözləyir.

“Roma”nın da işləri qaydasında deyil. Paytaxt komandası hələ də qələbəyə həsrət qalıb. “Canavarlar” yeni transfer Dovbikin qolu ilə Genuyada ilk dəfə sevinməyə çox yaxın olsalar da, əsas vaxta artırılan dəqiqələrdə buraxılan qolla iki xalı əldən verdilər. Daniele De Rossinin komandası 4 oyuna 3 xalla 16-cı yerdədi.

4-cü tur
Komo – Bolonya 2:2
Kazale, 5-öz qapısına. Kutrone, 53 – Kastro, 76. Aylinq, 90+1. (10584)
Bolonya: Skorupski, Miranda, Kazale (Ndoy, 80), Beukema, Poş, Pobeqa, Ebişer (Fabbian, 46), Fröyler, Odqor (Lukumi, 80), Orsolini (Kastro, 63), Dallinqa (Aylinq, 63).

Empoli – Yuventus 0:0
(15715)
Yuventus: Perin, Kambyaso, Bremer, Qatti, Kalulu, Duqlas Luis (Mbanqula, 67), Lokatelli (K.Türam, 66), Koopmeyners, Yıldız (Vea, 67), Qonsales (Facoli, 67), Vlahoviç.
Milan – Venetsiya 4:0
Ernandes, 2. Fofana, 16. Pulişiç, 25-p. Abraham, 29-p. (71273)
Milan: Menyan, Ernandes, Pavloviç, Qabbya, Emerson, Fofana (Zeroli, 79), Reynders, Loftus-Çik, Pulişiç (Çukvueze, 79), Leao (Morata, 64), Abraham (Musa, 74).

Cenoa – Roma 1:1
De Vinter, 90+6 – Dovbik, 37. (33009)
Roma: Svilar, Anxelinyo, Ndika, Mançini, Kone, Kristante, Pisilli (Çelik, 62), Salemakers (Ermoso, 50), Əl-Şaaravi (Lorentso Pelleqrini, 62), Dibala (Baldantsi, 62), Dovbik (Şomurodov, 81).

Atalanta – Fiorentina 3:2
Retegi, 21. De Ketelare, 45. Lukman, 45+1 - Lukas Martines, 15. Ken, 32. (22705)
Atalanta: Karnesekki, Kolaşinats, Hin (Breşianini, 46), Cimşiti, Rucceri (Zappakosta, 70), De Roon, Bellanova, Ederson, De Ketelare, Lukman, Retegi (Paşaliç, 70).
Fiorentina: De Xea, Biraqi, Ranyeri (Ponqraçiç, 81), Lukas Martines, Qosens, Mandraqora (Riçardson, 62), Kataldi (Sottil, 74), Bove (Adli, 74), Dodo, Kolpani (İkone, 62), Ken.

Kalyari – Napoli 0:4
Di Lorentso, 18. Kvaratsxeliya, 66. Lukaku, 70. Buoncorno, 90+3. (15733)
Napoli: Meret, Spinatsola (Olivera, 64), Buoncorno, Rrahmani, Di Lorentso, Lobotka (Gilmor, 75), Zambo Angissa, Matsokki, Kvaratsxeliya (Maktominey, 74), Politano (Neres, 81), Lukaku (Simeone, 74).

Montsa – İnter 1:1
Mota, 81 – Dyumfris, 88. (14541)
İnter: Zommer, Dimarko, De Vrey, Pavar, Auqusto, Darmian (Dyumfris, 56), Asllani (Korrea, 74), Mxitaryan (Zyelinski, 56), Frattezi, Lautaro Martines (Taremi, 56), M.Türam (Arnautoviç, 74).

Torino – Leççe 0:0
(27277)

Parma – Udineze 2:3
Del Prato, 2. Bonni, 43 – Lukka, 49. Toven, 68; 77. (17586)

Latsio – Verona 2:1
Dia, 5. Kastelyanos, 20 – Tenqstedt, 7.

1. Udineze 4 3 1 0 7-4 10
2. Napoli 4 3 0 1 9-4 9
3. İnter 4 2 2 0 9-3 8
4. Yuventus 4 2 2 0 6-0 8
5. Torino 4 2 2 0 5-3 8
6. Latsio 4 2 1 1 8-6 7
7. Verona 4 2 0 2 6-5 6
8. Empoli 4 1 3 0 3-2 6
9. Atalanta 4 2 0 2 8-8 6
10. Milan 4 1 2 1 9-6 5
11. Cenoa 4 1 2 1 4-5 5
12. Parma 4 1 1 2 6-7 4
13. Leççe 4 1 1 2 1-6 4
14. Fiorentina 4 0 3 1 5-6 3
15. Montsa 4 0 3 1 3-4 3
16. Roma 4 0 3 1 2-3 3
17. Bolonya 4 0 3 1 4-7 3
18. Komo 4 0 2 2 3-7 2
19. Kalyari 4 0 2 2 1-6 2
20. Venetsiya 4 0 1 3 1-8 1

Bombardirlər: Retegi (Atalanta), M.Türam (İnter) - 4.
Növbəti turun oyunları sentyabrın 20-23-ü aralığında keçiriləcək: Kalyari – Empoli, Verona – Torino, Venetsiya – Cenoa, Yuventus - Napoli, Leççe - Parma, Fiorentina - Latsio, Montsa - Bolonya, Roma - Udineze, İnter – Milan, Atalanta - Komo.

Turun rəqəmi
4 – “Milan” evdə “Venetsiya”nı darmadağın etdi. Vitse-çempion cari mövsümdə bir hissədə 4 qol vuran ilk komanda oldu.

Turun ulduzu
Romelu Lukaku (Napoli) – belçikalı hücumçu sıralarına yenicə qoşulduğu “Napoli”yə qısa müddətdə uyğunlaşdığını “Kalyari” ilə matçda da göstərdi. 74 dəqiqə meydanda olan Lukaku komandasının ilk üç qolunda yaxından iştirak etdi: ilk hissədə Di Lorentsoya, fasilədən sonra Kvaratsxeliyaya assistentlik edən Romelu özü də qapıya yol tapmaqla rəqibin darmadağınında böyük rol oynadı. A seriyasında 5-ci mövsümünü keçirən 31 yaşlı hücumçu bu liqadakı qollarının sayını 72-yə çatdırdı.

Turun sitatı
Antonio Konte, “Napoli”nin baş məşqçisi: